Аяз ата Жаңа жыл күні сыйлық тарататын мейірімді шал бейнесінде халықтың жүрегінде қалыпты. Аяз атаны әр ел түрліше атайды. Мысалы, Ресей мен Беларусь халқы "Дед Мороз" деп атаса, енді біреулері ежелгі атауына орай "Дед Трескун", "Карагун" деп атайды екен. Америка мен Австралия елдері мейірімді қарияны "Санта Клаус" деп атайды.
Аяз аталардың сапар шегіп, сыйлық таратулары да әртүрлі. Орыстың Аяз аталары ақ боз атқа мініп, орманнан шығады. Олар сыйлықтарын ешкімге білдірмей шыршаның түбіне қойып кетеді. Ал Еуропа елдерінің аталары бұғы жеккен шанаға отырып, алыс елдерді аралайды. Олардың бірі шұлық, бәтеңке, көйлек таратса, бірі түрлі тамақтар әкелді. Бірі сыйлықты терезенің алдына қойып кетсе, бірі пеш ішіне қалдырып кетеді екен.