Ата-бабамыздан қалған, бізге жеткен қызықты дерек-мүшел жас. Мүшелдегі жылдар 12 түрлі хайуанның атымен аталады.
Мүшел жасты анықтағанда бір ерекшелікті есте ұстаған жөн. Бала 13 жасқа толғанда бір мүшел деп қайырады да, кейінгілерге 12 жылды қосып отырады. Сонда бір мүшел - 13 жас, екі мүшел - 25 жас, үш мүшел 37 жас деп қоса береді.
13 жас - жақсы мен жаманды, ар мен намысты, дос пен қасты айыра білетін кезең. Қазақ халқы жас жеткіншектердің бойына мейірімділік, әдептілік, сыпайылық сияқты жақсы қасиеттерді сіңіре білген. Міне, осындай қасиет сендердің бойларыңнан да табылса дейміз.