Адамның мақсаты - адамның жетемін деп, алдына қойған мәресі іспеттес. Оған қол жеткізу үшін, адам қанатын талдырмай өне бойы еңбектенуі шарт. Егер ол өзі жіберетін қателерінен сескенетін болса, қолсұрып отыра берсе, орнынан тапжылмаса, ендеше ешбір мақсат та өзін орындатпас. Әрекеттенусіз ешбір мақсатқа да қол жеткізуге болмайды. Мақсатқа қол жеткізу қиын да бола алды, оңай да бола алады, қол жеткізгісіз болуы да мүмкін. Алайда, адам өзінің күшіне, өзіне сенімді болса және шыдамдылық білдірсе, ұзамай-ақ көп мақсаттарға жетуге болады.
Біз әрқайсымыз өмірде алдымызға мақсат қойып, жетуге асықпыз. Мамандық иесі болғымыз келеді, мол табысты болғымыз келеді, түрлі жерлерді аралағымыз келеді. Бірақ адам үшін ең маңыздысы - оның алға қойған мақсатының асқақ та игі болуы.