Өзін-өзі тәрбиелеу дегеніміз мінезді қалыптастыруға бастайтын жол, өз бойындағы бағалы адамгершілік қасиеттерді саналы түрде дамыту. Академик И.П.Павлов: "Адам дегеніміз өзін-өзі кең көлемде реттей алатын, яғни өздігінен жетіле алатын бірден-бір жүйе" деп атап көрсетті. Өзін-өзі тәрбиелеу, қоғамға пайдалы болу, ұжымның лайықты мүшесі болу тілегінен тууға тиіс.
Өзін-өзі тәрбиелеу үшін өзіне сын көзбен қарап. өз қателіктерін мойындауға батылы жетуі қажет.
Өзін-өзі тәрбиелеу кезінде жақсы мәнер мен талғамға үйрене отырып, күнделікті өмірде, жұмыста және демалыста өз төңірегіндегі адамдардың бір-бірімен қалай қарым-қатынас жасайтынына, олардың мінез құлқы мен сырт пішініне назар аударып, оларды бір-бірімен салыстырып отырған пайдалы.