Жаз. Жер жүзі кқргеріп, жасыл ала жібекке оранып құлпырады. Аққулы көлдін жағасында тізіле қонып алты айыл жатыр. Жаздың алтын нұры ойнаған шуақ күні еді. Көл мөлдір сулы. Аққулы көлдің жасыл ала қамыстары көк жібекке тіккен жасыл ала өрнекті кесте сияқты. Аққулы көлдің жағасы кілем жайғандай балбыраған кез еді.
Көл ортасында қалың жасыл ала қамыстың айналасы - айдайнадай жалтырыған кең жайқын. Сол жайқында аппақ боп шаңкиып екі аққу сыланып, ақырман әсем жүзіп көлендейді. Екі аққу ұзын сұлу мойындарын иіп, көл ортасында сыңкылдап, аппақ денесін күміс суға төсейді. Әсем нәзік сұлу үнмен сынқылдап жүзген күміс суға төсейді. Қаңқылдап ұшып-қонған қоныр қаздар.Шулаған шағалалар. Көлді айнала қорыған қара ала қанат, әдемі айдарлы, саққұлақ қызғыштар. Көкке шығып, зыр қағып безектеп сұнқылдаған ұзын аяқ, біщзтұмық тауқұдіреттер тағы да толып жатқан неше түрлі құстар көл басын сұлы күйлі думан қып жатты.