Қазақ әдебиетінің көрнекті қайраткерлерінің бірі - Ғабит Махмұтұлы Мүсірепов 1902 жылы қазіргі Солтүстік Қазақстан облысының Жамбыл ауданында кедей шаруаның отбасында дүниеге келген.
Ол алғаш өз аулында ескіше оқып, хат таныған. Болашақ жазушы 14 жасында Обаған деген жердегі нағашысының көмегімен орыс мектебіне оқуға түседі. Бұл мектепті бітіріп, Преснегорьковтағы екі қластық орыс метебінде оқиды. 1923-1926 жылдары Орынбор қаласындағы жұмысшы факультетін бітірісімен, Омбыдағы ауылшаруашылық институтында оқиды. Содан кейін кеңестік дәуірдегі баспасөз, халық ағарту, көркемөнер мекемелерінде әртүрлі жауапты қызметтерді атқарады.