Атақты Темір өзінің Кавказға бара жатқан жолында қазіргі Түркістан жерін басып өтіпті. Маңайындағыларға әлденені айтып, бұрылып жүре бергенде, бас киімі жерге түсіп қалған екен, соны аламын деп иіліп ала бергенде, "Япыр-ау, неге мұны иіліп өзім алды. Өзім иілмей-ақ маңымдағылар әперер еді ғой. Өмірде иілмеген адам едім, сірә, мына төмпешікте сондай бір қадірлі, атақты данышпан, ғұлама біреудің жатқаны ғой,-деп ойлайды да, әскерін тоқтатып сол жерге түнейді."
Түнеп жатып түс көреді. түсіне ғұлама кіріп: "Мен Қожа Ахмет Яссауи боламын, ғылымға қызммет еттім,-дейді.-Бірақ ескертіп жатырмын. Егер сен маған белгі орнатпасан осы жолы жауыңнан жеңіліп қайтасың"-дейді.
Таңертең Темір молда шақырып, аят оқытып, елге уәдесін береді. Қайтып келіп, мазар орнатпақшы болады. Сөйтіп, жауын жеңіп келіп, қазіргі Қожа Ахмет Яссауи кесенесін салған екен.