Ана тілін білу - Қазақстанның әр азаматының парызы. Қазақ тілін үйрену үшін ең алдымен құлшыныс қажет. Сөздерді аудармаларымен күнделікті жаттап, үнемі қайталап отыру керек. Тілді біраз меңгергеннен кейін, қазақша өлең-тақпақ жаттап, әңгімелер оқыған дұрыс. Қазақ тілінде еркін сөйлейтін адамдармен кездесіп, сөйлеу қабілетін де дамытып отыру міндетті. Қазақ тілін жақсы меңгеріп, өзге тілді де жетік білу қазіргі заман талабы. Тілдерді білген адам өзіне қажетті ақпаратты аудармашылар көмегіне жүгінбей, өзі-ақ еркін аударып алады.