Алтынсарин-Хромтау темір жолы.
Елбасының тапсырмасына сәйкес ұзындығы 402,5 шақырымды құрайтын Алтынсарин-Хромтау жаңа темір жол желісі жобасын жүзеге асыру 2001 жылы қолға алынған болатын. Оның экономикалық тиімділігі ерекше болғаны тұр. Мысалы, орталық және солтүстік өңірлерден еліміздің батыс өңірлеріне жүк және жолаушылар тасымалдау қашықтығы орта есеппен 1,5 мың шақырымға, ал Ақтау теңіз арқылы өтетін халықаралық қатынастардағы астық, металл, басқа да жүктерді экспортқа тасымалдау ара қашықтығы 2 мың шақырымға қысқарады. Сондай-ақ пайдалы қазбаларға бай кен орындарын жедел игеру үшін алғы шарттар жасалып, Қостанай және Ақтөбе облыстарының әлеуметтік – экономикалық даму деңгейін жақсартады. Ондағы еңбек ресурстарын тиімді пайдалануға мүмкіндік береді. Осының арқасында ең кеміне 950-ден астам жаңа жұмыс орны ашылды. Жаңа темір жол желісінің техникалық-экономикалық көрсеткіштеріне келер болсақ, оның ұзындығы 402,5 шақырым.
Жол салушылар қаржыдан, қажетті құрылыс материалдарынан тапшылық көріп отырған жоқ.